Die knorrigheid en tjankstories van 'n middeljarige, Afrikaanssprekende, blanke man wat maar net nie in Suid-Afrika van 2009 kan aanpas nie.

Waarskuwing. ou Bitterbek is GATVOL!

Nie almal gaan hou van wat hier gesê word nie. Die taalgebruik hier is ook nie vir almal aanvaarbaar nie. En maak nie saak wat ek hier sê nie, daar is diegene wat gaan sê dit is rassisties.

Julle moere!

Gesiene pilare van Kroonstad se gemeenskap het aan my gesê dat ek of alleen in Kroonstad kan staan, of ek kan baie goed doen as ek hierdie "bitterbek" gemors los en my op die positiewe in Kroonstad toespits.

Nee dankie vir die baantjies vir boeties.

Nee dankie vir die idee dat omdat ons leiers Vaak Willem de Klerk en Poedingbek van Schalkwyk die lig gesien het en ons almal uitverkoop het, ek (en al die witmense) ons bekke moet hou en aangaan met geldmaak.

Nee dankie! Nee dankie, nee dankie.

Julle verstaan nie hierdie "Labuschagne" wat hierdie "blog" bedryf nie. Ek is gatvol om rioolwater in my kraanwater te kry, vir die verval van ons land en dorpe en stede. Die verval van ons hele samelewing. En ek moet my bek hou sodat ons witmense toegelaat sal word om te kan geldmaak sonder om die swart meerderheid te affronteer?

Bog!

Nee dankie. Hier gaan ek nie die heilige koeie spaar nie en as julle nie hiervan hou nie is dit julle probleem, nie my probleem nie! Ek is behoorlik die bliksem in - die skares wat geboue afbrand in die "townships" omdat daar geen dienslewering is nie, is nie naastenby so beneek soos ek nie. Die vonke gaan spat!

Mqwathi, sy kwalifikasie, sertifikate van bywoning en waar is sy grade?

Posted Thu, 11/12/2009 - 11:27 by ou-oom-bitterbek

Nog stories rondom die meestersgraad in bestuursadministrasie wat ons munisipale bestuurder mnr Mncedisi Mqwathi volgens sy CV sou hê.  Read more

  • Mqwathi se CV is glo vergesel van bywooningsertifikate vir sy studie tot 'n meestersgraad in bestuursadministrasie by 'n instituut in Ierland. Nie graadsertifikate van 'n universiteit nie, sertifikate van bywoning.
  • Daar is ook geen vermelding of bewyse van Mqwathi se graad, sy voorgraadse studie of sy honeursgraad wat normaalweg 'n voorvereiste is om 'n meestersgraad te bekom.

Verrotting versprei waar straathandelaars voorkom

Posted Thu, 11/12/2009 - 11:08 by ou-oom-bitterbek

Kom laat oom bitterbek vir julle vertel van hoe die dorp was. Jare gelede, maar nie soveel jare nie. Die kern van Kroonstad was op die hoek van Cross- en Reitzstraat. Op daardie hoek was die Selbourne hotel, met die beste winkels en mooiste geboue wat die meeste huur ingebring het rondom dit. Af in Reitzstraat was die Selbourne plein met 'n winkel met die naam Pyp en Twak by die ingang van die oop spasie wat ter bate van Kroonstad daargestel is. Die mees eksklusiewe winkels was reg rondom daarde gebied. Klerewinkels, 'n koffiewinkel, kafees, en algemene handelaars.  Read more

Maroga oorleef by Eskom, maar sal oom Bitterbek vir Eskom oorleef?

Posted Thu, 11/12/2009 - 11:00 by ou-oom-bitterbek

Ongesiens deur die wêreldmedia het oom bitterbek dit reg gehad. Terwyl almal die aftrede van Jacob Maroba as uitvoerende hoof aangekondig het, het oom bitterbek net dae gelede voorspel dat Maroga sal bly, maar dat dit die uittrede van nog wit bestuurslei sal meebring.  Read more

Lyfwagte: Item #97 op die glyskaal na "Afrikanisasie"

Posted Thu, 11/12/2009 - 10:56 by ou-oom-bitterbek

Lyfwagte vir junior tsotsi (ene Julius Malema, kroonprins van Luthuli huis en die ANC) om sy lewe te beskerm en dis ek en Jan Publiek wat vir die gelag sal betaal. 'n Hele R3.6 miljoen 'n jaar sal die junior tsotsi se BBP beskerming kos. Anders gestel is dit R300,000 per maand of R9,836 per dag wat die lyfwagte vir die belastingbetaler sal kos.

"Bliksem", is al wat Oom Bitterbek hieroor kan kwytraak!  Read more

Mqwathi - Interessante brokkies vanuit Metsimaholo se Jaarverslag vir 2005/2006

Posted Mon, 11/09/2009 - 15:14 by ou-oom-bitterbek

As ons stadsraadslede hul huiswerk rakende mnr Mcendisi Mqwathi gedoen het voor sy aanstelling as munisipale bestuurder van Moqhaka (Kroonstad), het hulle dalk op hierdie brokkies oor die verlede van ene Mcendisi Mqwathi afgekom vuit die 2005/2006 Jaarverslag van die Metsimaholo (Sasolburg) munisipaliteit:  Read more

  • Mqwathi was aangestel by Metsimaholo as "Director: Corporate and Transformation Services". Dit is nou daardie ou wat die wittes en veral wit manlike bestuurders moet vervang met lede van die voorheen benadeelde gemeenskap. Andersins is dit ook die personeelbestuurder.

Die kronieke van Mqwathi, Metsimaholo, SAMWU en bewerings van korrupsie

Posted Mon, 11/09/2009 - 14:18 by ou-oom-bitterbek

Verseker het nog die aanstellers van Mnr Mcendise Mqwathi as munisipale bestuurder van Moqhaka (Kroonstad) nog die oposisie in Moqhaka op Google gaan soek vir "Mqwathi" voordat hy aangestel is.

Cosatu se "Daily Labour Bulletin" van 5 Februarie 2007 bevat die volgende onder die titel "SAMWU takes on Metsimaholo Municipality".

SASOLBURG.- The South African Municipal Workers Union's (SAMWU), were last week Wednesday, locked in high level negotiations over issues raised during a protest march outside the municipality building.  Read more

Mqwathi se afskop alreeds verdag

Posted Fri, 11/06/2009 - 09:28 by ou-oom-bitterbek

Hoe meer dinge verander, hoe meer bly alles presies dieselfde. En een ding wat nie nou al gaan verander nie, is dat Kroonstad (Moqhaka) nie 'n bekwame munisipale bestuurder sal kry nie.

Mnr Mcedisi Mqwathi is Kroonstad se nuwe munisipale bestuurder. En reeds word die "kaka" in Moqhaka, daardie produk wat in soveel van die dorp se strate afstroom en 'n onmisbare "klankie" aan die aandgeure in Kroonstad verleen, heen en weer in die raadskamer van Moqhaka geslinger.

Hier is 'n paar van die onwelriekende aangeleenthede rondom die aanstelling van Mqwathi:  Read more

Kroonstad besoedel nie meer rivier nie.

Posted Fri, 11/06/2009 - 09:26 by ou-oom-bitterbek

"'n Stukkende waterpyp is volgens me Buyelwa Sonjica, minister van waterwese en omgewingsake, herstel en die rivier (Valsrivier) word nie meer besoedel nie."

Waarop ek net kan sê, "Bog!"  Read more

Eksdom se baas is vriende met die grootbaas...

Posted Fri, 11/06/2009 - 09:24 by ou-oom-bitterbek

"Dit is onregverdig om al die probleme met die uitbreidingsprogram op een individu te plaas", aldus me. Barbara Hogan, minister van openbare ondernemings oor die lojale kader & kameraad, mnr Jacob Maroga, wat deur die ANC in Eskom as besturende hoof ontplooi is.

Vir verskeie dae al bespiegel die pers of die uitvoerende hoof van Eskom, Jacob Maroga afgedank is deur Eskom se direksie of nie. Berigte is dat Maroga wel die trekpas gekry het en al weg sou wees as dit nie was vir ingmenging van heel bo af nie.  Read more

  • Me. Barbara Hogan het dadelik ingespring aan die kant van Maroga.

Riviere van die kaka van Moqhaka in ons dorp se strate

Posted Fri, 11/06/2009 - 09:19 by ou-oom-bitterbek

Wat 'n str*ntspul!

Vermaakstraat Suidrand, waar die kaka van Moqhaka uit 'n horde mangate van die rioolnetwerk stroom. Die stroom riool word sterker en sterker namate jy in die straat afry. Aangesien Vermaakstraat ook die laaste straat bokant die spoorlyn by Gunhill is, kan dit aanvaar word dat daardie rou riool reguit in die Valsrivier inloop aangesien daardie deel van die dorp op die punt van die stormwater netwerk is.  Read more

Syndicate content